Dis ‘n vakansiedag en ek besluit om die leë koskas aan te vul. In die supermark sien ek hoe ‘n tannie sukkel om ‘n blikkie van die die rak af te haal.
Meteens val daar ‘n halwe honderd blikkies kletterend rondom die tannie. Sy staan daar hande in die lug soos iemand wat hensop.
Ek storm nader om te red wat te redde is, maar trap op ‘n rollende blikkie en val amper die tannie uit die aarde uit.
Ek ruik net 4711 olie kolonie toe ek die tannie tref. Terwyl ek probeer om van die rollende blikkies op te tel, kom die vloerbestuurder daar aan want die lawaai van die vallende blikkies het hom nader geroep en hy begin my uit te trap waar ek daar staan met blikkies in my hande.
Hy noem dit dat hulle weens die vankansiedag “kort van staf” is en dat ek moet help opruim.
Toe ek uiteidelik buite die winkel kom, kom die ou tannie by my verby en sit ‘n blikkie rooi jam in my supermark trollie en sy sê “Dankie!”