Dit is nie die Jode wat U vervolg het nie ……..
Dit is nie Judas wat U verraai het nie …….
Dit is nie Petrus wat U verloën het nie ……
Dit is nie Pilatus wat die doodstraf oor U uitgespreek het nie …….
Dit is nie die soldate wat U aan die kruis gespyker het nie ook nie hulle wat U met spiese gesteek het nie …….
Dit is ek, ek nietige sondaarmens, wat dit alles aan U gedoen het sodat ek kan lewe!
Ek dank U dat U die Via Dolorosa geloop het sodat ek nie die lydensweg hoef te bewandel nie.
Ek dank U dat U vir my menigvuldige sondes gesterf het sodat ek in Christus Jesus kan leef.
Ek dank U dat U van God verlate was sodat ek nooit Godverlatenheid hoef te ervaar nie.
Ek, klein stofdeeltjie in U groot heelal, ek dank U vir U oneindige liefde en U groot barmhartigheid.